عزيزاتي ملكات بلقيس ارجو النصيحه في هذا الموضوع
انا كنت انسان غيوره بشكل( اغار علييه من ظلته )المهم بعد حضوري عدة محاضرات استطعت السيطره على نفسي والحين الحمدلله بديت استعيد ثقة ريلي فيني بمعنى يقدر يقولي اي شي عن المواقف اللي تصير له وانا اتقبل الموضوع بشكل خارجي يعني اضحك واسولف ولاكأنه فيني شي وانا المجروح .....
المهم زوجي رايح البارحه يمتحن امتحان التوفل طبعا كل حد يعرف هذا الإمتحان وزوجي يدرس في مصر وطبعا كان الإمتحان مختلط يعني رياييل وحرييم المهم الموقف اللي صار ان زوجي هو وصديقه عدال بعض يالسين وفي الكرسي اللي جدامهم حرمه تخيلو شو طالع من هذه الحرمه طالع (الكلوت) اخ يا قهري وهو يقولي لكن ضحكت وقاليتله كمل وبعدين اللي حاطينه يراقب علينا شك فينا ان كل ساعه عينا نرفعها وننزلها انا وصديقي المهم الريال يا بسرعه علشان يشوف شو سالفتهم كل دقيقه يرفعون عينهم لما شاف ماقدر يستحمل بسرعه غير اتجهاه طبعا بو الشباب زفت في اللإمتحان هو وصديقه وتعرفون شو كان ردي على هذا الموقف بعد ما ضحكت قاليتله تدري هذه متعمده تسوي جذيه عشان انتو تزفتون وهي تنجح.
ابغي كل وحده تدخل تقولي شو بيكون ردها على زوجها لو قالها شو صارله ومنكم نستفيد.
ما احس اني بكون كووول ابدا
ليش صخره و لا جدار
هذي ما يسمونها غيره
كان المفروض تذكرينه بالله
وانه اللي سواه حرام ومحاسب عليه
لازم تبينين له انه انتي خايفه عليه من الذنب
اما انج تضحكين فهذي قويه!
عزيزتي بولو زوجي رجل خلوق ومحترم بس لو انت كنتي في مكانه شو بتسوين يعني لو حاول الإنسان انه ما يشوف ما بيقدر لأنها جدامه بالضبط وانا صدقيني بعد ما فكرت في الموضوع عذرته لأن محد معصوم من الخطأ في زمنا هذا احنا الحريم لما نروح اسواق تلقين عيونا ما تغمض نشوف البنات ونشوف لبسهم وكشختهم مع العلم اني منقبه واشكركم كل الشكر على نصائحكم وجزاكم الله خير.
لو كنتي مكاني شو بتسويين في هذا الموقف مع زوجك...
(الكلوت) اخ يا قهري وهو يقولي لكن ضحكت وقاليتله كمل وبعدين اللي حاطينه يراقب علينا شك فينا ان كل ساعه عينا نرفعها وننزلها انا وصديقي المهم الريال يا بسرعه علشان يشوف شو سالفتهم كل دقيقه يرفعون عينهم لما شاف ماقدر يستحمل بسرعه غير اتجهاه طبعا بو الشباب زفت في اللإمتحان هو وصديقه وتعرفون شو كان ردي على هذا الموقف بعد ما ضحكت قاليتله تدري هذه متعمده تسوي جذيه عشان انتو تزفتون وهي تنجح.
