حبيبج ماقادر يتزوجك؟؟ .. تعالوا نعرف الأسباب

اعلامية طموحة · 25 - 09 -2008, 05:51 AM

بسم الله الرحمن الرحيم

وأنا جالسه في هذي الساعة المباركة ألف في المنتدى خطرت في بالي فكرة

ما أعرف اذا حد سبقني لها ولا لا لكن بقولها

هو انا نتناقش في الطرق اللي يستخدمها الشباب للضحك على عقول البنات عسى أن نجمع بعد ذلك مادة مفيدة خاصة للبنات المراهقات ... وأنا ببدأ في الفضفضة

اولا يا بنات مب كل شاب هدفه يشهر بالبنات ويسجل أصواتهم وياخذ صورهم .. في نوع خلينا نسميه (مستكشف) .. يعني يريد يتسلى ساعة .. أو يجرب شي جديد ..فيتعرف على بنت ويمثل انه يريدها ويخلي الموجة تاخذه (يعيش الدور).. وهذا النوع خطير .. لأنه يمكن يحب .. لكن حبه من دون هدف .. يلعب بعواطفه عادي .. وساعة الجد (اذا توهق) يدوس عليها ولا كأنها صارت ..
ثانيا حجج الشباب كلها متشابهة ... وهذي أشدد عليها لأنها بتنفعنا في كل المشاكل التي تعرض في قسمنا هذا .. يعني الواحد يتعرف على البنت .. ويعيش قصة الحب .. وتكون كللل الحياة وردية .. بعد ما تطلع سالفة الخطبة .. تطلع العراقيل .. وخذولكم لفه في المواضيع ..و الأعذار هي :
- ماعندي فلوس أتزوج << واذا ماعندك فلوس ليش داز ويهك تتعرف
- أهلي مايزوجو خارج العائلة << عيل ليش تتعرف على وحده من برا العايلة
- أنا (جنسيتي ، عايلتي ، قبيلتي ، مدينتي ، أصلي ..الخ ) ما يتناسبو مع اهلج وأخاف يرفضوني <<< لااااا واللــه الحين تذكرت
- انتي (جنسيتج ، عايلتج ، قبيلتج ، مدينتج ، أصلج .. الخ ) ما يتناسبو مع أهلي وأخاف اهلي يرفضوج << صباح الخير الحين انتبهت
- انتظري لين ما اخلص دراستي
- انتظري لين احصل شغل
- ابوي مريض ، امي مريضة
- أنا مديون
- صار حدث مفاجأ في بيتنا ومضطر أأجل (موت أو حريق أو مشاكل عائلية)
لاحظوا ان كل الاعذار هي مشاكل مؤقته علشان البنت تقول ماعليه بصبر لين ماتخلص المشكلة (ماعليه سنة أو سنتين)
ثالثا كل الأعذار اللي تنقال للبنت ما يتبعها كلمات مثل خلينا نقطع ، أو شوفي نصيبج .. لااا .. تتبعها كلمات مثل انا تعلقت فيج .. أنا متمسك فييج .. علشان العلاقة تطول أكثر وأكثر .. طبعا لييين ما يمل منج أو يحصل غيرج ويبدأ الفصل الثاني من الأعذار مثل :
- اكتشفت ان اهلي متكلمين مع ناس وخاطبيلي بنت
- طلع فيني مرض
- أنا متزوج ... وهكذا
لاحظو كلها مشاكل مالها حل .. حتى لو حاولتي تحليها ماراح يقتنع بأي واحد فيهم .. مع انها في الغالب مشاكل تاااافهة وسهلة تنحل بس بتحصليه يعقدها وهي ماتسوى .. وانتبهي انك بتحصلي نفسج انتي الوحيدة اللي تحاول تحل السالفة لا وتحاولي تخففي عليه همه بعد
رابعا كثيييير نسمع سالفة ان انتي زوجتي خلاص .. وهذي العبارة مايقولها الا الانسان اللي اصلا مايريد يتزوج بالضرورة .. عشان جي يكون حريص على انه يستمتع بالعلاقه قبل ما تصير شرعية
خامسا سالفة كلمني بأدب وأخلاق .. وما قل أدبه .. وهذا الأسلوب كثير يغري البنات .. وكثييييير اسمعه في المنتدى ... حبيبتي الدنيا تغيرت .. يعني الحين الشاب لما يتعرف مايريد يكلم وحده نابية بأسلوب حقير .. واذا كان يريد هالنوع فالدنيا صار فيها تكنلوجيا وتطور في التشات وفي العاهرات صارو في الشوارع الله يعزكم .. لكن الشاب يريد الأسلوب الراقي والسوالف اللي تفتح النفس ويحس انه متزوج أو خاطب من غير مايضطر انه يخطب أو يتزوج ... فهمتوا؟؟ فتحوا عقولكم الله يهديكم
سادسا في شباب تجرأوا على دخول بيوت الناس والتعرف على الأب والإخوان علشان تطمئن البنت ويوهمها انه شهم يحليله ..
سابعا في بعض البنات بيلاحظوا انه في البداية الشاب بيتصل من تيلفونه وايد ويعبي بطاقات بالهبل .. لا وبيشحنلها رصيد الرجل الشهم الكريم ، بس بعدها بيلاحظوا البنات ان هم اللي يتصلوا ويصرفوا بطاقات وفواتير على الشاب والحجج فهذا المجال واااااااااااااااااايد .. مثل خلص رصيدي ، و وماعندي فلوس لاني ما اشتغل ووووووووووووو هذي الحجج وايده .. وانتي بتصرفي اللي حولج ودونج وهو متنعم بالصوت الحلو والكلام العذب بلوووووووشي
في شي قهر ... انقهر من وحده تقول .. قالي انا ما اعرفج بسسس عجبني اسلوبج فقررت اتزوجك خبريني شو اسمج بالكامل... هذي ودي اذبحها قبل ما اذبحه هو .. يعني بالله عليج حد يحب وحده ويقرر يتزوجها من خلال كلمه ولا من أول مره شافها فيها .. ليش هو بيسلق بيضه .. وين الأهل وين الإجراءات الطويلة للزواج .. لا ويطينها ويقول لها انا اصلا مب جاهز للزواج .. وهي تصدق .. هذا الشي شاااااااااائع جدا جدا فانبهوا يا بنات

هذا اللي خطر على بالي الحين مع ان الكلام وايد .. وكله كلام متكرر في كل العلاقات الفاشلة ..

يا بنات .. المشكلة ان كل بنت تحب تسكت وتخفي الموضوع علشان جي محد يعرف عن القصص الملفقة
يابنات تذكرن .. واحد + واحد= اثنين .. كل الناس تخضع لهذي القاعدة ومحد شاذ عنها

لا تقوليلي ظروفه غير ولا تقوليلي خرابيط كله كلام ماكليييييين خيره

ونصييييييييييحه اذا وحده اكتشفت ان حبيبها المزعوم من هذا النوع تقلع السالفة من جذورها من هذي اللحظه .. لا تخافي من شي الا من الله تعالى .. وتأكدي انك بتكوني أسعد انسانة فالدنيا وبتلذذي بشعور طرد طفيلي من حياتج

الطريقة الوحيدة للزواج بأي امرأة خطبتها من اهلها وبس .. لو كان حافي منتف على باب الله .. بيخطبج .. لو كنتي تكرهينه بيخطبج عناد فيج

.. لو كان اهلج يكرهونه بيجيب 20 واحد يتوسطوله

.. بتسمعي الناس تقول ليش ماشي فالدنيا غيرها؟؟

.. اذا قرر انه يكلمج بيحط وسيط وحده من خواته .. واذا ماحط وحده من خواته وكان متهور بيكلمج مره وحده بسس وبعدها بيخطبج .. تعرفي ليش لأنه بيخاااااف انج تفهمينه غلط ويخترب تخطيطه للزواج منج

@@@@@@@@@@@@@@@@@@@@

طيب انا الحين تكلمت وجا دوركم .. واللي عندها تجربة تقولها وكلنا آذان صاغية ...
ورجاء يا بنات ممنوع التجريح

آجننك بدلعي · 25 - 09 -2008, 08:17 AM

يسلموووووووووووووو

كلامك 100%

اسعدك الله سعادة لاشقاء بعدها

حـــكـَـآيَـة · 25 - 09 -2008, 08:31 AM

هههههههههههههههههههههه شي يضحك وشي يبكي الاعذار ميه بالميه صحيحه
بجد والله انك صادقــه مليون بالأميـــــــــــه

واحسافـــــــــــــــه بس اغلبهم كذابين وماعندهم سالفه بس يبي يسوي تدريب حق عاطفته

عشان بكــره لاتزوج يعرف يتصرف

وانتي ياحسافه
للتجربـه

او يتسلى

بس زواج نادر يمكن نص بالميه

وموضعج رااااااااااااائــــــــــــع عزيزتي

l0l0 · 25 - 09 -2008, 08:39 AM

الله يسعدك دنيا واخره والله موضوع صح ميه الميه الله يوفقك يااااارب

دانه الرياض · 25 - 09 -2008, 10:51 AM

الف شكر حبيبتي

من أكون · 25 - 09 -2008, 11:38 AM

بالضبط

جبتيها على الجرح

مروا علي هالفئة من الناس بس كنت عارفة لهم واضحك واسوي روحي مو فاهمة

سارونة الكويت · 25 - 09 -2008, 12:09 PM

طيب واللي فعلا ماخلص دراسته ؟؟

شلون نجبره يتزوج!!

اعلامية طموحة · 25 - 09 -2008, 05:08 PM

مرحبا يابنات .. مشكورين ألف شكر على هذا التفاعل الحلو

اخت سارونة الكويت

اللي ماخلص دراسته مثله مثل اللي ماحصل شغل ولا حصل فلوس .. كلها اعذار ..
يعني واحد ماخلص دراسته كيف بيتزوج؟؟؟ انتي فهميني كيف؟ بتقوليلي مايقدر صح ؟ يقولج عيل ليش داز ويهه يتعرف بقصد زواج!!! ..
فهميها يا حبيبتي هو حاط العذر قبل مايتعرف عليج حتى

بعطيج مثال حلو ..

تخيلي مافجيبج إلا 10 ريال عماني (100 درهم ، 100 ريال سعودي ، 10 دنانير) وفخاطرج بدلة ودخلتي (بارمود ، أو مانجو ، أو سبلاش ..الخ) ؟؟

بيكون أمامج حل من اثنين ..